Murrizketak
leku guztietatik, langabezia, manifestapenak, grebak, krisia … Historiaren
momenturik txarrenean bizi garela dirudi. Gure ongi-izate gizartearen
iraunkortasuna kolokan dago, eta inoiz ez garela bizi izan dogun moduan barriro
biziko, behin eta barriz entzuten dogu.
Nire
ustez, ezin gara hain ezkorrak izan. “Adinetakoek” badakigu momentu oso latzak be
egon dirala historian zehar, eta “whatsupp” barik be bizi daitekela. Zer esango
eben gure aitete-amamek? Ez dira momentu errezak; baina noiz izan da erreza
bizitzea?
Momentu
gogorretan pertsonaren alderik onena, ala txarrena atera daiteke. Gorrotoan ez
jaustea batzuetan oso zaila da. Duintasunez justizia eta askatasuna aldarrikatzea
arriskutsu bilakatu daiteke. Gaur, gure bideotekako azkeneko pelikula hau aurkeztu
gura deutsut: “Popieluszko:
la libertad está en nosotros”. Popieluszko
Poloniako abade bat izan zan, eta 80. hamarkadan totalitarismo sobietarren
aurrean abotsa altxatzea garesti ordaindu eban. Popieluszko filma biografikoa
da eta efektu-bereziak barik, istoria eredugarri hau hurbiltzen deusku.
Kolore
guztietako totalitarismoak, azkenean bardinak dira. Batzuk bandera urdina
altxatuko dabe, beste batzuk gorria, beste batzuk gurutzea … baina azkenean
danak bardinak dira.
Gure
elizan be danatarik euki dogu. Frankismoaren garaian, Txileko diktaduran,
Mussoliniren Italian… batzuetan eliza ofiziala diktaduren alde, edo oso hurbil
agertu da, baina Jainkoari esker, kristau eredugarri, eta ausartak be euki doguz
(Maximiliano Colbe,
Josef Mayr-Nusser,
Portugaleteko Ignazio
Ellakuria... ) halako bat Jerzy
Popieluszko da. Niri pelikula hau asko gustatu zat. Estereotipoak aupurtzen
dauz, eta Popiluszkok martiritza jaso arren pelikulak trasmititzen dauana ez da
atsekabea, itxaropena eta humore ona baino. Gustatuko jatzulakoan nago.
iruzkinik ez:
Argitaratu iruzkina